Huwezi kutaja wasanii ambao waliwahi kuweka rekodi za upekee katika muziki wa kizazi kipya bila kutaja jina la Juma Nature. Pia Juma Nature ni msanii mwenye uwezo wa kuimba na kurap ‘Kuchana’
Mwaka 2001 ndiyo alitoa album yake ya kwanza ambayo ilikuwa ikiitwa ‘Nini Chanzo’. Lakini mwaka 2003 pia ilitoka album yake ya pili ambayo iliweza kuweka rekodi katika muziki wa kizazi kipya, album hiyo iliitwa ‘Ugali’ambapo mpishi mkuu alikuwa ni P Funk Majani chini ya Bongo Record.
Uzinduzi wa Album hii ya Ugali ulifanyika katika Ukumbi wa Diamond Jubilee ambapo Juma Nature aliweza kujaza ukumbi huo. Inaaminika ndiyo msanii wa kwanza kuweza kujaza ukumbi huo.
Album hii ndiyo iliweza kubadilisha maisha ya Juma Nature kiuchumi, maana iliweza kuuza mauzo ya juu. Ingawa mpaka leo bado haijulikani ni kiasi gani cha pesa alipata lakini pia aliuza kopi ngapi katika wiki ya kwanza tu mara baada ya kutoka kwa album. Yote haya ni sababu ya mfumo mbovu ulikouwepo kutoka kwa msambazaji
Katika album hiyo kulikuwa na nyimbo kama,Sitaki demu,Ugali, Salio la vesi, Jela, Aah wapi, Umoja wa Tanzania (feat. Prof. Jay), Hali ngumu, Sitaki demu RMX na Inaniuma sana.
Tag :
lainnya
