Wachezaji wengi, hasa kwenye klabu ya Vitalo, LLB na Atletico pia Messager Ngozi na wachache kutoka timu zingine za mikoani wanazidi kuonesha kiwango cha kuridhisha kwenye Primus League nchini Burundi.
Mchezaji Steve Nzigamasabo akiwa naodha wa klabu Vitalo FC ya Burundi, ni mmoja wa viungo bora nchini Burundi, katika mechi zote Vitalo imecheza dhidi ya LLB, Atletico Olympic, Messager Ngozi, Inter Star, kijana huyo aliwafunika viungo wa timu zote hizo.
Hata hiyo, ana uwezo wa kupachika mabao, tofauti na viungo wengi wa Republic of Burundi ambao ni aghalabu sana kuwa na sifa hiyo.
Uwezo huo alikuwa nao Saidi Ntibazonkiza ambae inasemekana ni mkubwa wake, ndio maana kijana huyo amechukua nafasi kubwa kwenye kikosi cha kwanza cha Vital'o FC.
Basi unataka nini tena kwenye kikosi chako kama una kiungo mshambuliaji kama Steve Nzigamasabo. Hana mambo mengi anapokea mpira na kupiga pasi ambazo mara nyingi ni za hatari tena za uhakika.
Steve anauwezo wa kuamua kupasua mwenyewe iwapo ataona mastraika wake wanabanwa, kwa uwezo wake na aina yake ya kucheza bila shaka hakuna ubishi ni mmoja wa viungo bora kwenye Ligi kuu Primus League.
